பீற்றா வளாகம், வவுனியா நடத்திய தொழில்முனைவோர் பணிமனை பயிற்சி – மாணவர்களுக்கு புதிய தொழில் உலகம் திறந்தது

வவுனியா, ஜூன் 19:
வவுனியாவின் முன்னணி உயர் கல்வி நிலையமான பீற்றா வளாகம், மாணவர்களின் வாழ்க்கைத் திறன்களை வளர்க்கும் நோக்கில் தொழில்முனைவோர் பணிமனை பயிற்சியை வெற்றிகரமாக நடத்தியது. 2025 ஜூன் 19ஆம் தேதி, கல்லூரியின் பத்மம் மண்டபத்தில் இடம்பெற்ற இந்நிகழ்வு, மாணவர்களுக்கு தொழில்முனைவோர் உலகை அறிமுகப்படுத்தும் அரிய வாய்ப்பாக அமைந்தது.

36 மாணவர்கள் கலந்துகொண்டனர், பல்துறை பட்டப்படிப்புகளிலும் டிப்ளமோ கற்கைகளிலும் பயிலும் 36 மாணவர்கள், வணிகம், மேலாண்மை மற்றும் புதிய வணிக முயற்சிகளில் ஆர்வமுள்ளவர்களாக கலந்து கொண்டனர். அவர்களின் கலந்துரையாடல்கள் நிகழ்வை இனிமையாக்கின.

வவுனியா மற்றும் கொழும்பில் பல வெற்றிகரமான வணிகங்களை நடத்தும் பீற்றா வளாக விரிவுரையாளரான வி.விவேதா BBA, Dip. in Counselling Psychology நிகழ்வின் Resource Person ஆகக் கலந்து கொண்டு தனது அனுபவங்களை பகிர்ந்துகொண்டார். அவர் நிர்வகிக்கும் Woman Fitness Studio (வவுனியா), Vivesha Travels (கொழும்பு), NSVR Credits (கொழும்பு) ஆகிய நிறுவனங்களை முன்னிட்டு தனது பயண அனுபவங்களை மாணவர்களுடன் பகிர்ந்தார்.

தொழில்முனைவோர் என்றால் என்ன? யோசனை உருவாக்கம், நிதி மேலாண்மை, வணிக விளம்பரத் திட்டங்கள், புதிய வணிகங்களில் ஏற்படும் சவால்கள், வாழ்க்கை-தொழில் சமநிலை ஆகிய தலைப்புகளில் மாணவர்களுக்கு பயிற்சி வழங்கப்பட்டது.

நிகழ்வின் சிறப்பான ஏற்பாடுகளை பீற்றா வளாக கல்வி அலுவலராக செயல்படும் எஸ்.எம்.எம்.மிதுனி மேற்கொண்டார். மாணவர்களுடன் நேரடி தொடர்பு வைத்து, நிகழ்வின் ஒழுங்குகளை சரி பார்த்த மாணவர் உறவுகள் அலுவலர் திரு.R.ஜெசிந்திரனின் பங்கு குறிப்பிடத்தக்கது.

நிகழ்வின் முடிவில் மாணவர்கள் மிகுந்த திருப்தி தெரிவித்தனர். வணிக யோசனைகளை குழுக்களாக விவாதித்து, எதிர்காலத்தில் வணிக முயற்சி செய்ய உறுதி எடுத்தனர்.

இந்த நிகழ்வின் வெற்றியையடுத்து, பீற்றா வளாகம் தொழில்முனைவோர் பணிமனை பயிற்சிகள், வணிக கருத்தரங்குகள் மற்றும் “மாணவர் வணிகக் கழகம்” ஒன்றை ஆரம்பிக்க திட்டமிட்டுள்ளது.

இந்நிகழ்வு தொழில் தொடங்கும் விதிமுறைகள், நடைமுறை அனுபவங்கள் மற்றும் வணிக சவால்களைப் பற்றி நேரடியாக அறிந்துகொள்ள மாணவர்களுக்கு அரிய வாய்ப்பாக அமைந்தது என்பதில் சந்தேகமில்லை.